Useful information on body weight, obesity, BMI உடல் பருமன்

 உடல் பருமன் (OBESITY)

          ~~~~~~~~~~~~~~~~~~~~~

ஒருவரின் உடலின் எடை, அவரின் வயதிற்கும், உயரத்திற்கும், ஏற்றவாறு சீராக இருக்க வேண்டும். 

இதை இரண்டு முறைகளில் கணக்கிடலாம்.

1. உடல் நிறை குறி எண் (Body Mass Index மூலம் அறிந்து கொள்ள முடியும். BMI)

B M I கணக்கெடுக்கும் முறை

~~~~~~~~~~~~~~~~~~~~~~~~~

          உடல் எடை கிலோகிராமில்

       _________________________________________

உடலின் உயரம் மீட்டரில் x உயரம் மீட்டரில்

உதாரணம் 

ஒருவரின் எடை 60 கிலோ 

அவரின் உயரம் 1.5 மீட்டர் 

60/1.5 × 1.5 =26

BMI = 26

எடை.                                BMI

---------                              --------

சரியான எடை.            < 25

அதிக எடை.                   25 முதல் 30 வரை

உடல் பருமன்.                30 முதல் 40 வரை

மிக அதிக உடல் பருமன்.        > 40

2. பிரோகாஸ் குறி எண் முறை (Broca's Index):

உடலின் உயரம் செ.மீ.  minus 100 சரியான எடை Kg

உதாரணம்: 172 செ.மீ - 100.   =72 kg

இதிலிருந்தும் 10% எடை குறைவாக இருந்தால், அது உடலுக்கும், மனதிற்கும் அதிக சக்தியைக் கொடுத்து, நலமுடன் வாழ வழிசெய்யும்.

உடல் பருமன்

அதிகமான உடல் பருமன் இருப்பதற்குக் காரணங்கள்:

1.மன அழுத்தத்தால், மனம் கட்டுப்பாடு அற்ற நிலையினால், தேவைக்கும் மேல் அதிகம் சாப்பிடுவது.

2.உடற் பயிற்சியின்றிச் சோம்பேறியாக வாழ்தல்

3.பரம்பரையாக வருவது

4.சர்க்கரை வியாதி / நீரிழிவு நோய் (Diabetes Mellitus)

5.தைராய்டு சுரப்பி குறைவாக வேலை செய்தல்

~~~~~~~~~~~ ~~~~~~

சரிவான எடையை சீராக வைத்துக் கொள்ளும் வழிமுறைகள்

ஒருவரின் ஒரு கிலோ எடைக்குத் தேவையான கலோரி 30 கலோரி/தினம்.

உங்களது எடை 80 கிலோ என்றால் -

 80×30 =2400 கலோரி/தினம் தேவை.

  உங்கள் அதிக எடையில் இருந்து 10%ஐ , 6 மாதத்தில் குறைக்க முயல வேண்டும்.

சரயாக இரண்டு வார காலத்தில், 1 கிலோ எடை எனக் குறைக்க வேண்டும்.

~~~~~~~~~~~~~~~~~

உடல் பருமனால் ஏற்படும் தீய விளைவுகள்

1.தாழ்வு மனப்பான்மை

2.தனிமைப்படுத்திக் கொள்வது

3.வேலை செய்யும் திறன் குறைதல்

4.மூச்சுத் திணறல்

5.அதிக வேர்வை

இவைகள் மட்டுமல்லாமல் கீழ்க்காணும் பல நோய்களுக்கும் மூல காரணமாகிறது.

சர்க்கரை வியாதி

இரத்தக் கொதிப்பு

இரத்தத்தில் அதிக கொழுப்பு

மாரடைப்பு

வயிற்றெரிச்சல், வயிற்றுப்புண்

கால் மூட்டுக்களின் தேய்மானம்

காலில் அசுத்த இரத்தக் குழாய்கள் (Veins) புடைப்பு (Varicose veins and Varicose ulcers)

ஆஸ்துமா

பக்கவாதம்

பல புற்று நோய்கள்

இவை அனைத்தையும் தவிர்க்க ஒரே வழி, உணவு முறையை சீராக மாற்றி, தகுந்த உடற்பயிற்சியைக் கடைபிடித்து, சீரான எடையுடன் இருப்பதால் மட்டும்தான்.

அதிக கொழுப்பு உடலின் வயிற்றுப் பாகத்தில் படிந்து, அதனால் வரும் உடல் பருமனை, ஆப்பிள் வடிவ உடல் பருமன் (Apple Obesity) என்று அழைக்கிறோம்.

இடுப்பின் சுற்றளவு, ஆண்களுக்கு 90 செ.மீ.க்குக் குறைவாகவும், பெண்களுக்கு 85 செ.மீ.க்கு குறைவாகவும் இருத்தல் வேண்டும். இந்த அளவிற்கு அதிகமாக இருந்தால் 'Apple Obesity என்பதாகும்.

இவர்களுக்கு 5 மடங்கு மாரடைப்பு வரும் வாய்ப்பு மிகுதியாகும். இத்துடன், இரத்தக் கொதிப்பு, சர்க்கரை வியாதி, இரத்தத்தில் அதிக கொழுப்பு ஆகியவை உண்டாகும். இவை அனைத்தும் சேர்ந்ததைத்தான் 'சின்ட்ரோம் X' (Syndrom X) என்று அழைக்கிறோம்.

வயிற்றில் சேர்ந்த கொழுப்பே, நாளமில்லா சுரப்பியாக மாறி, பசியைக் குறைக்கும் லெப்டின் (Leptin) என்னும் ஹார்மோனைக் குறைவாகவும், பசியைத் தூண்டும் கிரெலின் (Ghrelin) என்னும் ஹார்மோனை அதிகமாகவும் சுரக்கச் செய்து, மேலும் பருமனைக் கூட்டுகிறது. அது மட்டுமல்லாமல், முன்பு கூறிய எல்லாவித வியாதிகளும் வரவும் காரணமாகிறது. இவர்கள் தமது உடல் நலம் காக்க, எடை மேலும் ஏறாமல் இருக்க மிகவும் முன் எச்சரிக்கையோடு இருக்க வேண்டும்.

உடலில் பாரமும் 

மனதில் பாரமும் 

                          இல்லையெனில், 

உடலில் நோய்களும் இல்லை.